今年端午節,官洲村可以話自拆遷之後從來都無噉熱鬧過!新龍下水、龍船探親、300幾圍龍舟宴(可以話係歷年之最)。。。。。
官洲村今年端午節新打造咗兩條龍船,新龍推水慶典活動于農曆四月二十六日舉行,聽講當日參加扒龍舟嘅村民每人有30文利是!我竟然無去喔(笨七)!不過谂下要神七噉早起身,嗰30文其實真係好渺小啫!
最後就到重頭戲龍船探親喇!簡單啲嚟講,龍船探親活動就係我哋村派龍船到各個村落造訪,而同時村裡亦要招呼接待其他村嚟拜訪嘅龍船。今年我哋村派龍船去探親嘅地方多,嚟官洲探親嘅龍船仲多!
评论