前言:廣州牌客車GZK6100出色地完成了歷史任務,光榮退役。十幾年來風雨不改,當中又夾雜著或多或少的情感。永遠懷念你,我的老朋友廣客巴士!!
東曉嘅呢部廣巴係廣州牌gzk6100客車唯一嘅一款模型,做工相當之精緻,線路牌、logo、羊城通標誌等等都一一齊全。可謂真車再現。
贊完就哽係彈噶啦!一部咁靚仔嘅車,竟然有三大敗筆。(只係目前我所發現嘅!)。咁就數出嚟比大家睇下。
敗筆一:
雨刮竟然就噉印喺擋風玻璃上面,一個字“假”,兩個字“超假”,感覺似玩具多過似模型。
敗筆二
副倒後鏡太粗,一啲都唔符合比例,最致命嘅錯誤就系右鏡竟然系直角彎曲!(雖然搭咗十幾年,但係我都估到無幾多個人會留意到噶啦!)。咁究竟點樣先至啱?我就喺度賣個關子,留下伏筆先!
敗筆三
車內嘅設施幾乎一片空白,無扶手、無波棍、無工具箱都算喇,連個錢箱都上錯顏色,真係好唔應該囖!!
咁以上三點就係重點改造項目啦!
喺改做之前先介紹下乜嘢叫做流道拉絲先!
在模型的制作中我们经常需要一些极细的塑料线来为我们的模型增加精细度。
例如各种缩小比例后的电线,机体上的天线,船只的栏杆等等。
我们就需要学会流道拉丝这种技巧来制造出这种规格的塑料线
制作的原理就是让热塑性的塑料融化然后重新为其调整形状
材料当然就要有:流道(即係整完模型剩低嗰啲框框)、热源(在这里我选用短蜡烛,不建议使用类似ZIPPO的煤油打火机,因为长时间工作打火机机身会产生高溫
从废弃的板件上剪下一根中间有较长直线的流道,置于热源上方(蜡烛距离外焰3~8CM其他加热工具请自行尝试)。小心不要烧到手
仔细观察流道的状态,可以看到开始有些融化了,在这个过程中要不断的转动流道,让热量均匀
软了后~拉~
可以根據需要嘅粗細慢慢拉,然後截取需要嘅長度,再屈曲成需要嘅形狀,最後再用膠水黐成構件。
整雨刮主要用黑色,整扶手就哽系用灰色同白色啦!咁開始啦喔!!
首先將部車拆得有咁散得咁散。
然後就用白色嘅流道整成扶手裝系相應嘅位置,呢幅圖加裝咗白色扶手、波棍,錢箱重新涂成銀灰色,用泡沫整嘅工具箱(涂成灰色,手工差咗啲,都好過無)
加埋後門扶手同車尾扶手,車尾平台嘅製作係用泡沫雙面膠將一塊涂成灰藍色嘅卡紙墊高。
加裝車頂扶手
加裝尾座橫擋(我最鍾意坐呢部車尾二排窗邊座位,因為頭可以挨住條橫擋瞓覺,所以呢條橫擋係一定唔可以少嘅!)
睇下效果點??係唔係好咗好多呢??
跟住就輪到雨刮!~
用2000號極細砂紙磨走原來嘅雨刮,並且打磨光滑。
打磨完畢,光滑但係唔透明喔!點算?
眼鏡布+打磨膏(車蠟)打磨,重複磨多幾次。
最後,ling 呢!!
畫圖定位,流道拉絲整嘅雨刮(用502黐到傻啊!!)
頂佢個肺啊!整到我啊!!
雨刮局部
對位
黐好之後!逼真幾多!!
最後到個鏡啦!!係時候開故啦!
原裝鏡(上)與自製鏡(下),自製鏡嘅右鏡先係正確噶!唔信見到真車嗰陣留意下啦!自製鏡主要材料:吉他弦、卡紙、流道拉絲、油漆(黑色、渡鉻色)。
裝上車後嘅效果
出於私人感情,我將線路牌改咗!舊20路搭咗十幾年,唔多唔少都有啲感情!至於線路牌嘅製作就唔再多講啦!畫圖、photoshot加部打印機就搞掂。
廣巴畫龍點睛小改特輯就到呢度!!部車當堂靚仔曬!!!
欣賞下啦!!ps:此文僅供專業人士參考之用,非專業人士切勿模仿,否則後果自負,(如果部車毀咗容,唔好意思,幫唔到你!)。有車想改嘅都可以聯繫我嘅!改車服務費200元整,如無現金,可以用本巴士模型代替! 。更多有關圖片請參閱我嘅博客相冊《小改廣巴模型》。
评论