嗰晚真系好難得,同啲老表講翻以前喺官洲嘅陳年舊事,發覺原來我細個嗰時係咁大反咁曳噶!咩狗屎嘢、威水史都一大堆!懷念以前細個成班細路踢住對拖鞋通街走,由官洲村西走到官洲村東,上完山崗又走入樹林,捉完魚又走去摸雀,偷完荔枝又偷黃皮,夜晚仲周圍走去整蠱人。食飯都唔知時候,仲要啊媽拿住個大聲公通街搵.......
睇嚟呢啲日子呢啲感覺真系永遠咁離開咗我啦!好惋惜。我實在有太多太多嘅嘢留喺官洲帶唔走啊!!話咁快又搬咗年幾,每當我企喺崙頭渡口嘅時候,總會想起自己曾經孭住書包等船嘅情景,歸家心切,但渡輪依舊未到。每次見到對岸嘅“生物島”,我總會想起那蔥蔥郁鬱,樹林茂盛嘅官洲。隨著時間嘅推移,官洲在我心中可能會變得朦朧,但對家鄉的思念仍然難以釋懷。真系好想搵個機會叫埋啲同輩嘅同鄉兄弟姐妹翻官洲嘅華光廟裝柱香,好歹都唔好忘記我哋系官洲人,依然桂林里!
“廣州國際生物島”請容許我再親切地叫你一聲“官洲”。
评论